Azərbaycan, Bakı / Trend müxbir S.İlhamqızı/ Azərbaycanın bir sıra siyasi partiyaları Qarabağ probleminin sülh yolu ilə tənzimlənəcəyinə inanmır və ümid etmirlər. Bu barədə cümə axşamı ictimai, siyasi təşkilatların, ziyalıların iştirakı ilə keçirilən Qarabağ Forumunda fikirlər səsləndirilib.
Azərbaycan Sosial Demokrat Partiyası (ASDP) Qarabağ probleminin həlli üçün Azərbaycan ordusunun gücləndirilməsini, peşəkarlıq səviyyəsinin artırılmasını, orduda rüşvət və korrupsiyanın aradan qaldırılmasını zəruri sayır. ASDP həmsədri Araz Əlizadə qeyd edib ki, müharibə yolu ilə zəbt edilən torpaqlar sülh yolu ilə geri qaytarılmayacaq: "Hər il hərbi çağırış yaşının artırılmasına ehtiyac yoxdur. Azərbaycanın cəmi dörd korpusdan ibarət gülcü ordusu torpaqları işğaldan azad etməyə kifayət edər"-deyə Əlizadə vurğulayıb.
Azərbaycan Liberal Partiyasının (ALP) sədr əvəzi Əvəz Temirxanın təklifinə görə, diplomatik danışıqlarda Ermənistan qarşısında şərt qoyulmalıdır ki, Dağlıq Qarabağa hansı status istənilirsə, eyni status Ermənistandan deportasiya edilmiş azərbaycanlılara bu ölkədə verilməlidir: "Azərbaycanlılara deportasiyaya məruz qalmış xalq statusu verilməlidir. Azərbaycanın iki icmalı (azərbaycanlı və erməni) "Dağlıq Qarabağ Vilayəti" yaradılmalı ("muxtar" inzibati vahidi olmamaq şərtilə), Ermənistan ərazisində azərbaycanlıların İrəvan-Zəngəzur Muxtar Respulikası yaradılmalıdır".
Milli Demokratiya Partiyası, Qarabağ Azadlıq Təşkilatı və digər qurumlar torpaqların yalnız hərbi yolla azad ediləcəyini düşünür. Yazıçı Sabir Azəri hesab edir ki, sülh yolu ilə tənzimlənmə prosesi faydasızdır və Azərbaycanın yalnız hərbi yola əl atmaq yolu var.
Azadlıq, Milli Demokratiya və Klassik Xalq Cəbhəsi partiyalarını birləşdirən
Demokratiya Uğrunda İttifaq Qarabağ probleminin həlli ilə bağlı konkret müddət qoyulmasını, bu məddətədək sülh danışıqlarının fayda verməyəcəyi təqdirdə, bütün danışıqların dayandırılmasını zəruri sayır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
