Azərbaycan, Bakı, 22 may /müx. TrendLife Safura/
Müğənni Flora Kərimovanın ifa etdiyi "Sənə güvəndiyim dağlar" mahnısına rejissor Ülviyyə Könül klip çəkir. Mahnının musiqisi Kamala, sözləri Baba Vəziroğluna aiddir. Klipin maddi tərəfi müğənnini narahat etmir. Flora xanımın sözlərinə görə, klipin bütün xərcini bəstəkar Kamal özü çəkir. "Mən Ülviyyə xanıma inanıram. Yerigəlmişkən bu mənim sayca beşinci klipim olacaq". Müğənni bundan əlavə Nadir Qafarzadə və Elariz Məmmədoğlu ilə oxuyacağı duet söhbətini də reklam adlandırdı. "İndi artıq hansısa qalmaqal dəb halını alıb. Bütün telekanallar bunu tamaşaçı auditoriyası yığmaq üçün edir. Heç kimin xətrinə dəmək istəmirəm. Kim ki, mənimlə həqiqətən duet oxumaq istəyir, onlara kömək etməyə hazıram".
Sonda müğənni gənc ifaçıları dəstəkləldiyini də vurğuladı.