Azərbaycan, Bakı, 22 aprel /Trend, müxbir K.Zərbalıyeva/
Azərbaycan Səhiyyə Nazirliyi tərəfindən aprelin 20-də travmatologiya-ortopediya, narkologiya və genetika ixtisasları üzrə keçirilmiş imtahanların nəticələri açıqlanıb.
Nazirliyin mətbuat xidmətindən Trend-ə verilən məlumata görə, imtahanlarda ümumilikdə 39 həkim iştirak edib.
İştirakçılardan biri 100 bal toplayaraq ən yüksək nəticə göstərib. Ümumilikdə, imtahanlarda iştirak edən həkimlərdən 34 nəfər (87 faiz) uğurlu nəticə əldə edib.
Növbəti test imtahanları mayın 4-də gigiyena və ümumi cərrahiyyə ixtisasları üzrə keçiriləcək.