Azərbaycan, Bakı, 15 sentyabr /Trend, müxbir İ.İsabalayeva/
Ümumdünya Səhiyyə Təşkilatının (ÜST) Avropa Regional Komitəsinin növbəti sessiyalarının keçirilmə yeri və tarıxləri açıqlanıb.
ÜST-nin Azərbaycan nümayəndəliyindən Trend-ə veirlən məlumata görə, təşkilatın Avropa Regional Komitəsinin 62-ci sessiyası gələn il sentyabrın 10-13-də Maltada keçiriləcək.
63-cü sessiya 2013-cü il sentyabrın 16-19-da Portuqaliyada təşkil olunacaq.
Komitənin 64-cü sessiyasının isə 2014-cü il sentyabrın 15-18-də Kopenhagendə keçirilməsi nəzərdə tutulur. Amma 64-cü sessiyanın keçirilmə yeri və tarixi ilə bağlı yekun qərar hələ qəbul olunmayıb.
Komitənin 65-ci sessiyasının 2015-ci il 14-17 sentyabrda keçiriləcəyi gözlənilir. Sessiyanın kerçiriləcəyi yer hələ müəyyənləşdirilməyib.
Hazırda Bakıda ÜST-nin Avropa Regional Komitəsinin 61-ci sessiyası keçirilir. Sentyabrın 12-də öz işinə başlayan sessiya bu gün yekunlaşır.