Azərbaycan, Bakı, 19 iyun /Trend, müxbir K.Zərbalıyeva/
Azərbaycanda mülki dövriyyədən çıxarılmış əşyaların siyahısında dəyişiklik olunacaq.
Milli Məclisdən Trend-ə verilən məlumata görə, bununla bağlı "Mülki dövriyyədə olmasına yol verilməyən (mülki dövriyyədən çıxarılmış) əşyaların siyahısı haqqında" qanuna dəyişikliklər təklif olunub.
Həmin siyahıya hazırlanmasının və ya uyğunlaşdırılmasının əsas məqsədi kibercinayətlər törətmək olan qurğular və ya kompüter proqramlarının da əlavə olunması nəzərdə tutulur.
Qeyd edək ki, Cinayət Məcəlləsinə 5 maddədən ibarət kibercinayətlər adlı xüsusi fəsil əlavə edilir.