Azərbaycan, Bakı, 1 may /Trend/
Nepaldan təxliyə olunan azərbaycanlılar bu gün Bakıya gətirilib.
Trend-in Fövqəladə Hallar Nazirliyinin mətbuat xidmətinə istinadən verdiyi məlumata görə, Azərbaycan Prezidenti İlham Əliyevin göstərişinə uyğun olaraq, FHN tərəfindən Nepalda baş vermiş dağıdıcı zəlzələ ilə əlaqədar təbii fəlakət bölgəsində olan Azərbaycan və digər ölkə vətəndaşlarının təxliyyəsi həyata keçirilir.
Aprelin 30-da Nepaldan yola düşən və göyərtəsində Azərbaycanın 13, Gürcüstanın 4 vətəndaşının olduğu təyyarə bu gün səhər saatlarında Heydər Əliyev Beynəlxalq Aeroportuna uğurla eniş edib.
