Azərbaycan, Bakı, 18 iyun /Trend/
28 Cinema kinoteatrı yeni "CineClub" bonus proqramının tədbiqi məqsədi ilə kinoteatra gedən insanlar arasında müsahibə keçirib.
Kinoteatrdan Trend-ə verilən məlumata görə, məqsəd tamaşaçıların ən çox sevdiyi janrı müəyyən edib, ilk dəfə olaraq Azərbaycanda tamaşaçıya "seqmentli münasibət" proqramının tədbiq olunması idi.
Bu o deməkdir ki, tamaşaçı sevimli janrda çəkilmiş filmin nümayişinə bir neçə gün qalmış bu haqda sms və ya elektron məktub vasitəsi ilə məlumat ala biləcək.
Bu proqram 28 Cinema kinoteatrının daima öz tamaşaçıları ilə təmasda olmaq və onları yeniliklər ilə sevindirmək üçün imkan yaradacaq.