Bakı. İlhamə İsabalayeva -Trend:
İçərişəhərdə baş vermiş hadisə nəticəsində evləri qəzalı vəziyyətə düşən sakinlər hazırda "İçərişəhər" Dövlət Tarixi Memarlıq Qoruğu İdarəsi tərəfindən müvəqqəti yaşayış yerləri ilə təmin olunur.
İdarənin mətbuat xidmətindən Trend-ə verilən məlumata görə, bu gün axşam saatlarında İçərişəhər, İ.Əfəndiyev küçəsi, 10 ünvanında qaz sızması nəticəsində partlayış baş vermişdir.
"İçərişəhər" Dövlət Tarix-Memarlıq Qoruğu İda rəsinin İdarə Heyətinin sədri Əsgər Ələkbərov və digər məhsul şəxsləri dərhal hadisə yerinə gəlib hadisənin başvermə səbəbləri və xəsarət alanların hazırkı vəziyyəti ilə tanış olublar: "Hazırda bütün proseslər nəzarət altında saxlanılır, müvafiq hüquq-mühafizə orqanları tərəfindən qanunvericiliklə nəzərdə tutulmuş tədbirlər görülür.
Hadisə nəticəsində insan tələfatı yoxdur, xəsarət alanlardan 2 nəfərinin vəziyyəti yüngül olduğundan ilkin yardım göstərildikdən sonra onlar evə buraxılıblar. Digər xəsarət alanların həyatları üçün hazırda təhlükə yoxdur".