Bakı. Trend:
Daxili İşlər Nazirliyi bir qrup şəxsin Bəxtiyar Hacıyevin həbsinə etiraz olaraq dekabrın 23-də Fəvvarələr Meydanında aksiya planlaşdırması məsələsinə münasibət bildirib.
DİN-in Mətbuat Xidmətinin rəisi, polis polkovniki Ehsan ZahidovTrend-ə açıqlamasında bildirib ki, icazəsiz aksiyanın qarşısı alınacaq.
"Aidiyyəti dövlət qurumları ilə razılaşdırılmamış hər hansı aksiyanın keçirilməsinə cəhd edilərsə, bu qanunsuz hesab olunacaq və qarşısının alınması üçün müvafiq tədbirlər görüləcək. Kimliyindən asılı olmayaraq, razılaşdırılmadan aksiya təşkil edənlər qanunsuz aksiyanın iştirakçılarıdır. Ona görə də belə bir aksiyanın keçirilməsinə cəhd edənlərə qarşı da qanunsuz aksiya iştirakçısı kimi tədbir görüləcək",- E. Zahidov deyib.