Bakı. Trend:
Hidayət Heydərovu qızıl medal qazanması münasibətilə təbrik edirik!
Trend xəbər verir ki, bu barədə ABŞ-nin Azərbaycandakı səfirliyinin “X” sosial media hesabında qeyd edilib.
"Fədakarlıq və zəhmət həqiqətən öz bəhrəsini verdi. Bu inanılmaz nailiyyətdən zövq alın - bu sizin istedadınızın və əzmkarlığınızın sübutudur. Təbriklər Azərbaycan Komandası - qarşıda daha çox uğurlar və qızıl medallar gözləyir!", - deyə paylaşımda bildirilib.
Qeyd edək ki, ötən gün Azərbaycan cüdoçusu Hidayət Heydərov Fransanın paytaxtı Parisdə keçirilən Yay Olimpiya Oyunlarının qalibi olub.
73 kq çəki dərəcəsində yer alan idmançı finalda fransalı Con Benjamin Qabanı üstələməklə olimpiadanın qızıl medalını qazanıb.
Mübarizəyə 1/8 finaldan başlayan Hidayət bu mərhələdə Tohar Butbulla (İsrail) qalib gəlib. O, 1/4 finalda Artur Margelidondan (Kanada), yarımfinalda isə Akil Qyakovdan (Kosovo) güclü olub.
Bu, Hidayət Heydərovun karyerasında ilk iştirak etdiyi olimpiada olub.