Azərbaycan, Bakı, 26 aprel /müx. "Trendlife" E.Hüseynzadə/
Bu gün İosif Kobzon Bakıya gəlir. "TrendLife"ın verdiyi xəbərə görə, sabah müğənninin Opera və Balet Teatrında solo konserti olacaq. Bu konserti özünün 70-illiyinə həsr edən müğənni MDB dövlətlərinə turneyə çıxıb. Kobzon 150 nəfərdən ibarət qrupla səfərdədir. Onu da qeyd edək ki, sabah tanınmış müğənni mətbuat konfransı keçirəcək. Konsertdə isə prezident İlham Əliyevin də iştirakı ehtimal olunur.