Azərbaycan, Bakı, 27 sentyabr /Trend/
UEFA Avropa Liqasının qrup mərhələsində mübarizə aparan "Neftçi"nin İtaliyanın "İnter" komandası ilə oyununun biletləri sabahdan satışa çıxarılacaq. Bu barədə Trend-ə "Neftçi" PFK-nın mətbuat xidmətinin rəhbəri Gündüz Abbaszadə məlumat verib.
Oyunu izləmək istəyən azarkeşlər biletləri Tofiq Bəhramov adına Respublika stadionunun kassalarından və "Park Bulvar" ticarət mərkəzində yerləşən satış nöqtələrindən əldə edə bilərlər.
Qeyd edək ki, "Neftçi" - "İnter" qarşılaşması oktyabrın 4-də baş tutacaq.