Bakı. Trend:
14–16 oktyabr 2026-cı il tarixlərində İtaliyanın tikinti, mühəndislik və memarlıq sənayesinin qabaqcıl nümayəndələri İtaliya Ticarət Agentliyinin rəhbərliyi altında geniş kollektiv heyətlə "Bakı Ekspo Mərkəzində təşkil olunacaq sərgidə iştirak edəcək.
14–16 oktyabr 2026-cı il tarixlərində "Bakı Ekspo Mərkəzi"-də Azərbaycanın və bütün Qafqaz regionunun tikinti, inşaat və ətraf mühit texnologiyaları sahəsində ən böyük sərgisi olan "Xəzər İnşaat Sərgisi "nin 31-ci buraxılışına ev sahibliyi edəcək. Regionun iqtisadi inkişafında mühüm tərəfdaş ölkə olan İtaliya tədbirdə rəsmi Milli Pavilyon ilə təmsil olunacaq.
Təşəbbüs İtaliya Ticarət Agentliyi tərəfindən, ANIMA (Mexaniki Sənaye Sahələri üzrə Federasiyası ) və FINCO (Tikinti üçün Məhsullar, Qurğular, Xidmətlər və İxtisaslaşmış İşlər Sənayesi Federasiyası) ilə əməkdaşlıq çərçivəsində, Made in Italy innovasiyalarını təqdim etmək və yerli operatorlarla yeni sənaye və ticarət tərəfdaşlığı imkanları yaratmaq məqsədilə təşkil olunur.
İtaliya Milli Pavilyonunda tikinti sektorunun bütün zəncirini təmsil edən 24 aparıcı şirkət yer alacaq. Ümumilikdə sərgidə fərdi stendlərlə və ya yerli nümayəndələr vasitəsilə iştirak edən digər İtaliya müəssisələrini də nəzərə alsaq, iştirak edən İtaliya şirkətlərinin ümumi sayı 43-ə çatır. Bu da İtaliya biznes cəmiyyətinin Azərbaycan bazarına olan yüksək marağını və iki ölkə arasındakı güclü ikitərəfli əlaqələri bir daha sübut edir.
Strateji sinerji və tərəfdaşlıq imkanları
İtaliyanın sərgidəki iştirakı Azərbaycanın müxtəlif regionlarında həyata keçirilən infrastrukturun inkişafı, yenidənqurma və bərpa proqramları kontekstində xüsusi əhəmiyyət kəsb edir. İtaliya şirkətləri bu ilki "Baku Build" beynəlxalq tikinti sərgisinə mühəndislik təcrübəsi, müasir avadanlıqlar, innovativ materiallar, enerji səmərəliliyi həlləri və davamlı şəhər infrastrukturu elementləri gətirəcəklər.
Texnoloji nümayişlə yanaşı, İtaliyanın iştirakı B2B görüşlərinin keçirilməsinə, işgüzar əlaqələrin qurulmasına və azərbaycanlı operatorlarla təcrübə mübadiləsinə yönələcək ki, bu da uzunmüddətli sənaye əməkdaşlığına və birgə layihələrin həyata keçirilməsinə xidmət edir.
İtaliya Milli Pavilyonunun rəsmi açılış mərasimi İtaliya və Azərbaycanın rəsmi və diplomatik nümayəndələrinin iştirakı ilə sərginin açılış günü —14 oktyabr 2026-cı il tarixində tutulacaqdır.
İtaliya Milli Pavilyonunda iştirak edən 24 şirkətin siyahısı
- Tikinti sistemləri, konstruksiyalar və tikinti materialları: Emmedue, Dakota Group, Abrasivi Adria, First Corporation, Tenax.
- Qurğular, maşınlar və sənaye avadanlıqları: EURimpianti, Vortex Hydra, Edil Lame.
- Fasad sistemləri, qapı-pəncərə və şüşə paketlər: Alunova, Technoform, Sipar, Zanzar.
- İsitmə, su-kanalizasiya və boru sistemləri: Radiatori 2000, Bampi, Unidelta, OMP TEA.
- Bəzək vuran materiallar, dekorativ örtüklər və döşəmələr: Viero Decoratives, Rives, Salis, Moschella.
- Şəhər mühitinin abadlaşdırılması elementləri, günəşdən mühafizə sistemləri və avtomatlaşdırma: Metalco, Resstende, VDS Automazioni.
- Mühəndislik və texnoloji xidmətlər: DBA Group.
