Bakı. Trend:
Qaradağ rayonunda orta məktəb direktorlarından birinin avtomobili yandırılıb.
Trend-in məlumatına görə, hadisə zamanı yaxınlıqda uşaqlar da olub. Hadisə nəticəsində xəsarət alan olmayıb.
Hadisə ictimai təhlükəsizliyin təmin olunması, təhsil işçilərinin və uşaqların təhlükəsizliyinə təhdid yaradan əməllərin qarşısının alınması üçün ciddi tədbirlərin görülməsinin vacibliyini göstərir. Hadisənin motivi və mümkün əlaqələri barədə nəticələr isə araşdırma əsasında müəyyənləşdirilməlidir.
Qeyd edək ki, DİN-in məlumatına görə, Bakıda məktəblərdə vahid geyim qaydalarının tətbiqinə maneçilik törədilməsi zəminində ictimai qaydanın kobud şəkildə pozulması faktları ilə bağlı Cinayət Məcəlləsinin 233-cü maddəsi ilə cinayət işi başlanılıb, 37 nəfər həbs edilib. İctimai asayişin və təhsil müəssisələrinin normal fəaliyyətinin təmin olunması istiqamətində tədbirlər davam etdirilir.
