Bakı. Trend:
Ukrayna Prezidenti Volodimir Zelenski ABŞ Prezidenti Donald Trampın Rusiya lideri Vladimir Putini dayandırmaq üçün effektiv yol tapa bilmədiyindən diqqəti Kiyevə yönəldərək Ukraynaya təzyiq göstərdiyini bildirib.
Zelenski bu barədə “ABC News” telekanalına müsahibəsində danışıb.
“Onlar Putini necə dayandıracaqlarını müəyyən edə bilmirlər. Dizel yanacağının qiymətlərindən danışmaq və bunun məsuliyyətini Ukraynanın üzərinə qoymaq isə daha asandır”, – deyə Ukrayna Prezidenti qeyd edib.
Onun sözlərinə görə, dünya bazarında neftin və neft məhsullarının qiymətinin yüksəlməsi, əsasən, Yaxın Şərqdə davam edən münaqişə və Hörmüz boğazının blokadaya alınması ilə əlaqədardır.
Zelenski enerji daşıyıcılarının bahalaşmasının səbəblərinin hamıya məlum olduğunu vurğulayaraq, qiymət artımını Ukraynanın fəaliyyəti ilə əlaqələndirmək cəhdlərini əsassız hesab etdiyini bildirib.
