Bakı. Ənvər Məmmədov - Trend
Avropa Gimnastika Federasiyasının nümayəndələrinin batut gimnastikası və tamblinq üzrə 14-cü Azərbaycan birinciliyi və Bakı çempionatını izləməsi o deməkdir ki, Azərbaycan Gimnastika Federasiyası dünyada ən yaxşı federasiyalarından birinə çevrilir.
Bu sözləri Trend-ə müsahibəsində yarışların direktoru Natalya Bulanova deyib.
N.Bulanova qeyd edib: “Biz həmişə milli birincilikləri dünya standartlarına uyğun təşkil etməyə çalışırıq”.
Onun sözlərinə görə, ölkədə batut gimnastları üçün yaradılmış şərait uşaqlara gələcəkdə yaxşı nəticələr göstərməyə imkan yaradır.