Bakı. Trend:
Bu gün Misli Premyer Liqasında II dövrəyə start verilib.
Trend İdman.biz-ə istinadən xəbər verir ki, X turun ilk günündə bir oyun keçirilib.
Yeganə qarşılaşma Tovuzda baş tutub. Çempionatın autsayderi "Kəpəz" Premyer Liqanın lideri "Qarabağ"ı qəbul edib. Oyun qonaq komandanın üstünlüyü ilə keçib. Qurban Qurbanovun yetirmələri 5:0 hesabı ilə qalib gəliblər.
Qeyd edək ki, turun digər görüşləri oktyabrın 19-20-də keçiriləcək.