Bakı. Trend:
Formula 1 yarışının iştirakçısı Serxio Peres "Red Bull" komandası ilə yollarını ayırıb.
Trend-in məlumatına görə, bu barədə "Red Bull" komandasının saytında bildirilib.
"Birlikdə keçirdiyi dörd uğurlu mövsümdən və tarixin ən uzun Formula 1 mövsümünü başa vurduqdan sonra Serxio Peres və Oracle Red Bull Racing 2025-ci ildə yollarını ayırmaq barədə razılığa gəliblər", - deyə qeyd olunub.
Qeyd edək ki, 34 yaşlı S.Peres 2011-ci ildən Formula 1-də, 2021-ci ildən isə "Red Bull" komandasında çıxış edib. Ötən mövsüm meksikalı fərdi yarışda ikinci yeri tutdu, bu, onun karyerasında ən yüksək uğurudur. O, "Red Bull" ilə beş, "Racing Point" ilə bir mərhələdə qalib gəlib.