Bakı. Trend:
Britaniyalı boksçu Tayson Fyuri karyerasını bərpa edəcək.
Trend xəbər verir ki, bu barədə Səudiyyə Ərəbistanı Əyləncələr Departamentinin rəhbəri Turki Al Aş-Şeyx açıqlama verib.
Onun sözlərinə görə, WBC, WBO, IBO, WBA Super, The Ring, IBF versiyaları üzrə super ağır çəkidə keçmiş dünya çempionu 2026-cı ildə rinqə dönəcək. Turki Al Aş-Şeyx bununla bağlı sosial şəbəkə hesabında yazıb: "Qaraçı Kralı geri qayıdacaq! Mən Taysonla danışdım və o, 2026-cı ildə Ər-Riyadda döyüşəcəyinə söz verdi. Səbirsizliklə gözləyəcəyimiz bir şey var".
Qeyd edək ki, Fyuri bu ilin yanvarında peşəkar karyerasını bitirib. O, ötən il dekabrın 22-də məğlubedilməz Aleksandr Usikə uduzub.