Bakı. Trend:
Azərbaycan Mərkəzi Bankının sədrinin birinci müavini Əliyar Məmmədyarov Əl-Huda İslam Bankçılığı və İqtisadiyyatı Mərkəzinin baş icraçı direktoru Məhəmməd Zubair Muğalı qəbul edib.
Trend bu barədə AMB-yə istinadən xəbər verir.
Məlumata görə, görüş zamanı cari iqtisadi tendensiyalar, “2024-2026-cı illərdə maliyyə sektorunun inkişaf Strategiyası” çərçivəsində İslam bankçılığının inkişafını şərtləndirəcək strateji təşəbbüslər və bu istiqamətdə zəruri olan normativ dəyişikliklər ətrafında fikir mübadiləsi aparılıb.
Görüşdə, həmçinin, əməkdaşlıq perspektivləri müzakirə olunub.
