Azərbaycan, Bakı / Trend , müxbir Ü.İsmayılova/ Azərbaycanın aparıcı sığorta şirkətlərindən biri olan "Pasa Sigorta" ilin sonuna qədər sığorta yığımlarını 6 mln. manata qədər artırmağı planlaşdırır. Bu barədə cümə günü şirkətin baş direkorunun müavini Nofəl Rzayev məlumat verib.
Yanvar-sentyabr ayları ərzində şirkətin yığımları 5,1mln. manat təşkil edib.
Bu dövr ərzində şirkət, əsasən, korporativ əmlakın sığortası, yanğından sığorta, avtomobillərin sığortası-KACKO, girov qoyulmuş əmlakın sığortası eləcə də tikinti risklərinin sığortasını həyata keçirib.
Rzayevin sözlərinə görə, 2006-cı ilin səkkiz ayı ərzində şirkətin yığımları cəmi 300 min manat təşkil edib.
"Pasa Sigorta" Azərbaycanın sığorta bazarında 2006-cı ilin mart ayından fəaliyyət göstərir. Şirkətin nizamnamə kapitalı 1,2 mln. manat təşkil edir.