...

Beynəlxalq Əmək Təşkilatı icbari əməyin ləğvi üçün Azərbaycana iri həcmli qrant ayıracaq

Biznes və iqtisadiyyat xəbərləri Materials 27 May 2009 15:43

Trend-i buradan izləyin

Azərbaycan, Bakı, 27 may / Trend , müxbir Ü.İsmayılova /

Beynəlxalq Əmək Təşkilatı (BƏT) Qafqazda "İcbari əməyin ləğvi" Proqramının ikinci fazasının reallaşdırılması üçün 2,4 mln. avro ayırmaq niyyətindədir. Vəsaitin bir hissəsi Azərbaycana veriləcək. Bu barədə çərşənbə günü BƏT-in icbari əmək üzrə xüsusi proqramının rəhbəri Rocer Plant təşkilatın "İcbari əməyin vəziyyəti haqqında" illik hesabatının təqdimatı zamanı bildirib.

"Azərbaycan icbari əmək ilə fəal mübarizə aparan ölkələrdən biridir", - Plant deyib.

Onun sözlərinə görə, Azərbaycan bu qrantı almaqla icbari əməyə qarşı daha inamlı və şəffaf mübarizə apara biləcək.

Beynəlxalq Əmək Təşkilatı BMT-nin ixtisaslaşdırılmış müəssisəsi və əmək münasibətlərinin tənzimlənməsi məsələləri ilə məşğul olan beynəlxalq təşkilatdır. 2009-cu il üçün 182 dövlət BƏT-in iştirakçısıdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti