Azərbaycan, Bakı, 08 iyun / Trend , müxbir Ü.İsmayılova /
Azərbaycanda ipoteka kreditləşməsinin yenidən bərpa olunması müəyyən səviyyədə bazarın aktivliyinə təsir edib, lakin qiymətlər dəyişilməyib. Bu barədə bazar ertəsi "Əmlak bazarının iştirakçıları" İctimai Birliyindən bildiriblər.
"İpoteka kreditləşməsi əmlakın alış-satışı sahəsində bağlanmış müqavilələrin miqdarında əks olunmayıb", - təşkilatdan bildiriblər.
Təşkilatın ekspertləri hesab edirlər ki, kreditləşmənin aşağı səviyyəsi bir sıra nüfuzlu tikinti şirkətlərini kənarda qoyub və bu, tikinti şirkətlərinin ipotekaya az maraq göstərməsinə səbəb olur.
"Bazarın araşdırılması göstərib ki, tikinti şirkətlərinin əksəriyyəti Azərbaycanda ipoteka kreditləşməsinin yenidən bərpa olunmasından sonra birinci mərhələdən kənarda qalıblar", - təşkilatdan bildiriblər.
İyunun 1-dən Mərkəzi Bank yanında Azərbaycan İpoteka Fondu ipoteka kreditlərinin verilməsini yenidən bərpa edib, bu proses 2007-ci ilin yayından vəsait çatışmazlığı səbəbindən dayandırılmışdı.
Adi ipotekanın verilməsinin maksimal məbləği 50 min manat, güzəştlə 35 min manat təşkil edir. Adi kredit üçün illik maksimum faiz qoyuluşu 8 faiz, güzəştlə 4 faiz, adi kredit üçün maksimal müddət 25 il, güzəştlə 30 il, hər iki halda ilkin ödəniş 15 faiz təşkil edir.
İpoteka şərtləri bunlardır: kreditlər milli valyuta (manat) ilə və yalnız Azərbaycan vətəndaşlarına verilməlidir. İpotekanın predmeti yalnız mənzil və ya özəl ev ola bilər, ipoteka kreditləşməsinin məbləği bazar qiymətindən 85 faiz artıq olmamalıdır, aylıq ödəniş kredit alanın gəlirlərinin 70 faizini keçməməlidir, həyatın sığortalanması haqqında müqavilə və digərləri.
Məqalə müəllifi ilə əlaqə ünvanı: [email protected]
