Azərbaycan, Bakı, 4 mart /Trend, müxbir N.İsmayılova/
Azərbaycanda "bir pəncərə" sistemi vasitəsilə fiziki şəxslərin qeydiyyat prosesini sadələşdirmək məqsədilə normativ-hüquqi sənədlər layihəsi hazırlanıb. Trend-in məlumatına görə, bu barədə Vergilər Nazirliyinin Kommersiya hüquqi şəxslərin dövlət qeydiyyatının təşkili və iqtisadi təhlil Baş İdarənin rəisi Zaur Fətizadə rəsmi mətbuatda dərc olunan müsahibəsində bildirib.
"Yaxın gələcəkdə elektron qeydiyyat sisteminin tətbiqi üçün şərtlər yaradılacaq. Bu gün vergiödəyicilər ərizə formalarının böyük hissəsini nazirliyə elektron formada təqdim edə bilərlər. Məsələn, vergi orqanları və 26 bank arasında elektron məlumat mübadiləsi prosesi təşkil olunub", - o deyib.
Fətizadənin sözlərinə görə, bu, sahibkarlar üçün hesabların açılması prosedurunu xeyli asanlaşdıraraq onların vaxtına qənaət olunmasını təmin edib. Qeydiyyat prosedurlarının daha da sadələşdirilməsi məqsədilə qanunvericiliyə əlavə və dəyişikliklərin edilməsi layihəsi hazırlanıb.
"Əlavə və dəyişikliklər qüvvəyə mindikdən sonra bu dəyişikliklər islahatların keçirilməsini tezləşdirməyə xidmət edən elektron qeydiyyatdan keçməyə, həmçinin, qeydiyyata sərf olunan vaxta qənaət etməklə ölkədə biznes-mühitin yaxşılaşmasına imkan verəcək", - o bildirib.