Azərbaycan, Bakı, 15sentyabr /Trend, müxbir N.İsmayılova/
Sentyabrın 23-də Parisdə Azərbaycanın İqtisadi İnkişaf Nazirliyinin dəstəyi ilə Azərbaycanda İxracın və İnvestisiyaların Təşviqi Fondu (AZPROMO) tərəfindən Fransa-Azərbaycan biznes forumu keçiriləcək. Trend-in məlumatına görə, bu barədə AZPROMO-nun saytında dərc edilən məlumatda deyilir.
Tədbir Fransa-Azərbaycan Hökumətlərarası İqtisadi Komissiyasının iclası çərçivəsində keçiriləcək. Bu məqsədlə maliyyə naziri Samir Şərifovun rəhbərlik edəcəyi Azərbaycan nümayəndə heyəti sentyabrın 22-dən 25-dək Parisdə səfərdə olacaq.
Forum çərçivəsində Azərbaycan iş adamları özlərinə tərəfdaşlar tapmaq və iş əlaqələri qurmaq imkanı əldə edəcəklər.
Əlavə məlumat üçün AZPROMO-ya müraciət etmək lazımdır. Əlaqələndirici şəxs: Fərid Nuriyev ([email protected]; tel: 012 598 01 47/48; daxili 122, faks: 012 5980152).
Azərbaycan Dövlət Statistika Komitəsinin məlumatına görə, 2011-ci ilin yanvar-iyulunda Azərbaycanla Fransa arasında mal dövriyyəsi 2,69 milyard dollar təşkil edib.
Bu gün iki ölkə arasında müqavilə-hüquq bazası 30-dan çox sənədi əhatə edir ki, bu da əməkdaşlıq üçün zəruri baza yaradır.