Azərbaycan, Bakı, 19 iyun /Trend, müxbir Ə.Həsənov/
2012-ci il may ayının 1-nə Azərbaycanın bank-kredit təşkilatları tərəfindən iqtisadiyyatın inkişafına 10,5 milyard manatlıq kredit vəsaitləri yönəldilib. Trend-in məlumatına görə, bu barədə Dövlət Statistika Komitəsinin yaydığı məlumatda deyilir.
Kredit qoyuluşunun 34 faizi dövlət, 63,3 faizi özəl banklar, 2,7 faizi isə bank olmayan kredit təşkilatları tərəfindən həyata keçirilib.
Verilmiş kreditlərin 71,5 faizini uzunmüddətli kreditlər təşkil edib, 6,9 faizinin ödənilmə vaxtı keçib.