Azərbaycan, Bakı, 1 aprel /Trend, müxbir A.Axundov/
İcbari Sığorta Bürosu tərəfindən 4-cü kompensasiya ödənişi həyata keçirilib. Bu barədə Trend-ə bazar ertəsi bürodan məlumat verilib.
Məlumata görə, mart ayının 29-da Azərbaycan vətəndaşına ailə üzvünün 28.12.2012-ci il tarixdə Sabunçu rayonu, Zabrat qəsəbəsi ərazisində baş vermiş yol-nəqliyyat hadisəsi nəticəsində vəfat etməsi ilə əlaqədar 5000 manat məbləğində kompensasiya ödənişi verilib.
Kompensasiya ödənişi qeyri-nağd üsulla (poçt vasitəsilə) həyata keçirilib.
Bu günə qədər büro tərəfindən ödənilən konpensasiyaların ümümi həcmi 12,69 min manat təşkil edir.