Azərbaycan, Bakı, 29 dekabr /Trend/
"Prezident İlham Əliyevin tapşırığına əsasən, Gəncədə Vaqon Deposunun bazasında yeni müasir sərnişin vaqonları istehsalı zavodunun tikilməsi nəzərdə tutulur". Trend "Kəpəz" TV-yə istinadən xəbər ki, bunu nəqliyyat naziri Ziya Məmmədov Gəncə dəmiryol vağzalının inzibati binasının təmirdən sonra açılışı mərasimində deyib.
Nazir bildirib ki, bu istiqamətdə İsveçrənin "Ştadler" şirkəti ilə danışıqlar aparılır: "Hazırda layihə sənədləri hazırlanır. Güman edilir ki, bir neçə ay sonra layihənin icrasına başlayacağıq. Cənab prezidentin verdiyi bu qərarlar vaxtında və keyfyyətlə icra ediləcək".