...

2013-cü ildə Azərbaycanın xaricdəki investisiyaları təxminən 12 milyard dollar təşkil edib

Biznes və iqtisadiyyat xəbərləri Materials 25 Mart 2014 14:41 (UTC +04:00)

Azərbaycan, Bakı, 25 mart /Trend, müxbir A.Axundov/

2013-cü ildə Azərbaycan xaricdə 11,8 milyard dollar həcmində sərmayələr yatırıb. Trend-in məlumatına görə, bu barədə Azərbaycan Mərkəzi Bankının (AMB) saytında dərc edilən tədiyyə balansında deyilir.

Tədiyyə balansına əsasən, bu məbləğ xaricdə həyata keçirilən birbaşa investisiyalar (1,478 milyard dollar), portfel investisiyaları (322,8 milyon dollar) və digər investisiyaların (9,959 milyard dollar) həyatа keçirilməsi hesabına formalaşıb.

Azərbaycan tərəfindən birbaşa investisiyaların 1,039 milyard dolları neft-qaz sektoruna, 438,9 milyon dollar isə digər sektorlara qoyulub.

Digər investisiyalara ticarət kreditləri və avanslar (4,83 milyard dollar), kreditlər və ssudalar (256 milyon dollar), depozitlər və nağd pullar (4,87 milyard dollar) aiddir.

2013-cü ildə Azərbaycanın öhdəlikləri 5,27 milyard dollar məbləğində formalaşıb ki, bunun 2,617 milyard dolları birbaşa investisiyaların, 1,04 milyard dollar portfel investisiyaların payına düşür.

Məqalədə:
Xəbər lenti

Xəbər lenti