Azərbaycan, Bakı, 12 sentyabr /Trend, müxbir Zülfiyyə Qurbanova/
2014-cü ilin I yarısının yekunu üzrə Azərbaycan tərəfindən təkrar gəlirlər üzrə xarici ölkələrlə aparılan əməliyyatların ümumi dəyəri 1,8 milyard dollar təşkil edib. Bu məbləğin 48,1%-ni ölkəyə daxilolmalar təşkil edib. Trend-in məlumatına görə, bu barədə Azərbaycan Mərkəzi Bankının saytında yerləşdirilən tədiyyə balansında deyilir.
Təkrar gəlirlər üzrə ümumi daxilolmaların 92,7%-ni (1,7 milyard dollar) xarici ölkələrdən fiziki şəxslərin pul baratları, 3,7%-ni ölkəyə gətirilən humanitar idxal mallarının dəyəri, 3,6%-ni isə digər daxilolmalar təşkil edib.
Bütövlükdə təkrar gəlirlər üzrə əməliyyatların saldosu mənfi 66,2 milyon dollar olub.