...

BAKIDA KƏND TƏSƏRRÜFATI BİTKİLƏRİNİN SELEKSİYASI SAHƏSİNDƏ TƏDQİQATLARIN MALİYYƏLƏŞDİRLMƏSİ İMKANLARI MÜZAKİRƏ OLUNUB

Biznes və iqtisadiyyat xəbərləri Materials 14 İyul 2005 16:54 (UTC +04:00)

Bakıda seleksiya sahəsində tədqiqatların maliyyələşdirilməsi imkanları müzakirə olunub. Kənd Təsərrüfatı Nazirliyinin elmi-aqrar mərkəzindən Trend agentliyinə verilən məlumata görə, bu məsələ qarğıdalı və buğda növlərinin yaxşılaşdırılması üzrə CİMMYT (Centro Internacional de Mejoramiento de Maiz y Trigo) beynəlxalq mərkəzin nümayəndəsi, buğda proqramının rəhbəri Rodomiro Ortizin iyulun 8 və 13-də Azərbaycana səfəri zamanı müzakirə olunub.

Nazirlikdən bildiriblər ki, bu məqsədlə nümayəndənin Dünya Bankı, AYİB, BMT-in İnkişf Proqramı (UN DP), beynəlxalq inkişaf üzrə ABŞ agentliyi (USAİD), Ümumdünya Ərzaq Proqramı və s. kimi iri beynəlxalq donor təşkilatların rəhbər şəxsləri ilə görüşü keçirilib.

Səfər zamanı Ortiz Qobustanda yerləşən Təcrübə stansiyasına baş çəkib, taxılın seleksiyası sahəsində aparılan işlərlə tanış olub.

Bundan başqa Ortiz və akademik Cəlal Əliyev arasında görüş baş tutub. Bu görüş çərçivəçində Cəlal Əliyev nümayəndəyə Azərbaycanda kənd təsərrüfatı bitkilərinin seleksiyası nəticəsində yeni növlərin yetişidirilməsi prinsipləri, aparılan işlər zamanı yaranan problemlər barədə məlumat verib.

Xəbər lenti

Xəbər lenti