Dövlət Əhalinin Sosial Müdafiəsi Fondu (DƏSMF) 2006-cı ilin noyabrın sonuna qədər vətəndaşlara məcburi dövlət sosial sığortası üzrə fərdi uçot vəsiqələrinin verilmə prosesini başa çatdırmağı planlaşdırır. Trend agentliyinin məlumatına əsasən, Dövlət fondunun sədri Səlim Müslimov bugünkü mətbuat konfransında deyib ki, hazırda 247,7 min fərdi ödəyicilər vəsiqələrlə təmin olunub. Cəmin 1,507 mln. vəsiqə vermək nəzərdə tutulub.
Artıq 847,7 min vəsiqə buraxılıb və 860,3 min ödəyici onların verilməsi üçün sənədlərini təqdim edib.
Fərdi uçot sisteminə keçidlə əlaqədar paralel olaraq fondun maddi-texniki bazasının təkmilləşdirilməsi gedir. İlin sonuna qədər fondun 24 rayonda yerləşən filialını bərpa etmək və 13 filialda əsaslı təmir aparmaq planlaşdırılır. Nəticədə hər bir işçiyə bir kompüter düşəcək. Keçirilmiş tender çərçivəsində artıq 510 printer alınıb.