Moskvada "Qara dənizdə sərnişinlərin gediş-gəlişinin bərpası" mövzusunda görüş keçirilib. Trend in xəbər verdiyi kimi, iclasda Azərbaycan, Gürcüstan, Ukrayna, Rumıniya, Albaniya, Yunanıstan, Türkiyə nümayəndələri iştirak edib.
İclas 2006-cı ildə sədri Rusiya Federasiyası olan "Qara dəniz iqtisadi əməkdaşlıq" beynəlxalq təşkilat ölkələrinin qarşılıqlı əlaqəsi çərçivəsində keçirilib.
Görüş zamanı Qara dəniz hövzəsində həm mütəmadi, həm də kruiz sərnişin nəqliyyatının bərpası, Qara dəniz kruiz limanları assosiasiyasının yaradılması, QDİƏT hökümətlərinə kruiz gəmiləri ilə daxil olma qaydalarının unifikasiyası haqqında təkliflərin verilməsinin problem və perspektivləri müzakirə edilib.
