"Torpaq Məcəlləsi"nə dəyişiklik ediləcək. Bu barədə Trend ə Milli Məclisin aqrar siyasət daimi komissiyasından bildiriblər.
Məcəllənin 22-ci maddəsi aşağıdakı redaksiyada təklif olunub: "Telekommunikasiya fəaliyyəti üçün fiziki və hüquqi şəxslərə verilən torpaq sahələrinin, o cümlədən mühafizə zona və zolaqlarının ölçüsü bu fəaliyyət növü üçün torpaq ayrılması normalarına və layihə texniki sənədlərə müvafiq olaraq müəyyənləşdirilir."
Onu da bildiriblər ki, komissiyada "Azərbaycan Respublikasının bəzi qanunvericilik aktlarına əlavələr və dəyişikliklər edilməsi və "Rabitə haqqında" Azərbaycan Respublikası Qanununun qüvvədən düşmüş hesab edilməsi barədə" qanun layihəsi müzakirə olunub.