Azərbaycan, Bakı, 29 mart /Trend/
Lənkəran və Ucar rayonlarının qaz təchizatında məhdudiyyətlər olacaq.
Trend ARDNŞ-nin rəsmi saytına istinadən məlumat verir ki, təmir-tikinti işləri ilə əlaqədar 30 mart 2012-ci il tarixdə saat 10:00-dan 17:00-dək "Lənkəran" və "Xarxatan", saat 10:00-dan 18:00-dək isə "Ucar" qazpaylayıcı stansiyalarından təbii qaz təchizatı dayandırılacaq.
İşlər aparılan müddətdə Lənkəran və Liman şəhərləri də daxil olmaqla, rayonun Şağlasel, Şiləvar, Xarxatan, Digah, Vilvan, Separadi və Cil kəndlərinə, eləcə də Ucar rayonunun bütün yaşayış məntəqələrinə təbii qazın verilişində fasilələr yaranacaq.