Azərbaycan, Bakı, 6 mart /Trend, müxbir E.İsmayılov/
Azərbaycanın avtomobil yanacaq doldurma məntəqələrində (YDM) yeni sayğacların quraşdırılması vergi ödəyicilərinə qarşı cərimələrin tətbiqindən qaçmağa, vergi orqanlarına isə nəzarət-kassa aparatları vasitəsilə yanacağın yüklənməsi əməliyyatının təsbitini tam təmin etməyə imkan verib. Bu barədə çərşənbə günü jurnalistlərə Vergilər Nazirliyinin Vergi auditi departamentinin rəhbəri Habil Məmmədov deyib.
Onun sözlərinə görə, cəmi 135 YDM-də IBM tipli 329 kassa aparatı quraşdırılıb.
"Hazırda kassa aparatı vasitəsilə bu prosesin qeydiyyatı olmadan yanacağın verilməsi texniki baxımdan mümkün deyil. Yəni bu, vergi ödəyicilərinə cərimələrdən yaxa qurtarmağa, vergi orqanına isə düzgün hesabatı və vergilərin ödənilməsini təmin etməyə imkan verir", - Məmmədov qeyd edib.
