Azərbaycan, Bakı, 20 noyabr /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) 2023-2025-ci illərdə neft-qaz emalı və neft-kimya məhsullarının istehsalı üzrə yeni kompleksini (OGPC) istismara verməyi və məhsul istehsalına başlamağı planlaşdırır.
Trend-in məlumatına görə, bunu çərşənbə günü ARDNŞ-nin emal üzrə vitse-prezidenti David Məmmədov Xəzər-Avropa İnteqrasiya İşgüzar Klubunun (CEIBC) iclasında deyib.
Bundan əvvəl OGPC kompleksinin 2020-ci ilin sonunadək istismara verilməsi planlaşdırılırdı.
Onun sözlərinə görə, yeni kompleks işlənmiş qazlarda zərərli maddələrin tərkibini tənzimləyən "Avro-5" ekoloji standartına uyğun yanacaq istehsal etməyə imkan verəcək: "Avro-5" standartlı yanacaq istehsalı artıq yeni kompleksdə həyata keçiriləcək, buna qədər isə "Avro-3" standartlı yanacaq istehsal olunacaq".
Vitse-prezident qeyd edib ki, "Avro-3"-dən yüksək standartlı yanacağın istehsalı bahalı texnologiyaların tətbiqini tələb edir ki, bu da hazırda iqtisadi cəhətdən məqsədəuyğun deyil.
