Azərbaycan, Bakı, 14 avqust /Trend, müxbir Emil .İsmayılov/
2014-cü ilin yanvar-iyul aylarında Azərbaycanda hasil edilən neftin böyük hissəsinin ixrac edildiyi Bakı-Tbilisi-Ceyhan (BTC) neft kəməri üzrə 3,1 milyon Türkmənistan nefti nəql olunub. 2013-cü ilin müvafiq dövründə bu rəqəm 1,9 milyon ton təşkil edib. Trend-in məlumatına görə, bu barədə Dövlət Stsatistika Komitəsinin (DSK) 2014-cü ilin 7 ayının yekunu üzrə hesabatında deyilir.
2013-cü ildə BTC üzrə 3,3 milyon ton, 2012-ci ildə isə 3,1 milyon ton Türkmənistan nefti nəql edilib.
BTC üzrə Türkmənistan neftinin nəqli "Socar Trading" və "Dragon oil" arasındakı müqavilə çərçivəsində həyata keçirilir. "Dragon oil" Türkmənistanda neft hasil edir.
Qeyd edək ki, BTC üzrə Türkmənistan neftinin nəqlinə 2010-cu ilin iyulundan başlanılıb.
