Azərbaycan, Bakı, 15 sentyabr /Trend, müxbir Emil İsmayılov/
Bakının Qaradağ rayonunda fəaliyyət göstərən qaz emalı zavodunun yenidən qurulması iqtisadi cəhətdən məqsədəuyğun deyil. Trend-in məlumatına görə, bunu bazar ertəsi jurnalistlərə ARDNŞ prezidenti Rövnəq Abdullayev deyib. Onun sözlərinə görə, bu, onunla izah edilir ki, qaz emalı zavodunun gücləri çox köhnəlib.
Qaradağ rayonunda neft-qaz emalı və neft-kimya məhsullarının istehsalı üzrə yeni kompleksin (OGPC) yaradılması planları ilə əlaqədar zavodun yenidən qurulması üzrə işlərin aparılması məqsədəuyğun hesab edilməyib.
Kreditlər üzrə faiz ödənişləri nəzərə alınmaqla OGPC-nin tikinti layihəsinin dəyəri 14,4 milyard dollardır. Yeni qaz emalı zavodunun tikintisinə gələn il başlanması planlaşdırılır.
