Bakı. Trend:
Avropa Komissiyası Avropa İttifaqına üzv ölkələrə Rusiyadan qazın qiymətini məhdudlaşdırmaq üçün iki variant təklif edib.
Trend-in məlumatına görə, bu barədə "Financial Times" qəzeti müvafiq sənədə istinadən bildirib.
Məlumata əsasən, birinci variant ya Rusiya Federasiyasından idxal olunan bütün qaz üçün maksimum qiymət həddinin tətbiqini, ya da yanacağın qiymətləri ilə bağlı danışıqlar aparacaq Rusiya qazının vahid alıcısının yaradılmasını nəzərdə tutur.
İkinci variant qaz tədarükündə fasilələr riskinin dərəcəsindən asılı olaraq Aİ ölkələrinin qırmızı və yaşıl zonalara bölünməsini nəzərdə tutur. Qırmızı zonada qiymətlər məhdudlaşdırıla bilər, yaşıl zonada isə qiymətlər qırmızı zona ölkələrinə qaz axınını asanlaşdırmaq üçün kifayət qədər yüksək qala bilər.