Azərbaycan, Bakı, 27 yanvar / Trend , müxbir H.Vəliyev/
Azərbaycanın Mədəniyyət və Turizm Nazirliyi kitabxana-informasiya sisteminin avtomatlaşdırılmasına və regional kitabxanaların elektron resurslarının yaradılmasına başlayıb. Bu barədə nazirliyin məlumatında deyilir.
Məlumata görə, işlər "Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı" çərçivəsində aparılır.
Hazırda Qubanın (http://www.quba-information.az/), Beyləqanın (http://www.beyleqaninfo.webs.com/), Ağdaşın (http://www.agdash-mks.az/) və Neftçalanın (http://www.neftcala-mks.az/) mərkəzi kitabxanalarının internet resurslarının yaradılması üzrə işlər başa çatıb.
Nazirlik tərəfindən Azərbaycanın mərkəzi kitabxanalarının avtomatlaşdırılması üzrə işlər həyata keçirilir.