...

Azərbaycanda göndərilən və gələn internet-trafikin orta sürəti aşağı düşüb

Telekommunikasiya Materials 3 Sentyabr 2010 15:05 (UTC +04:00)

Аzərbaycan, Bakı, 3 sentyabr /Trend, müxbir H.Vəliyev/

Azərbaycan "Ookla" şirkətinin "Net Index" reytinqində göndərilən internet-trafikin sürətinə görə 66-cı yeri tutur. Bu barədə "Ookla" şirkətindən verilən məlumatda deyilir.

İyunun 15-dən iyulun 14-dək olan dövrü əhatə edən ötən reytinqlə müqayisədə Azərbaycanın göndərilən trafikin sürəti üzrə göstəriciləri 0,13 Mbit/s aşağı düşüb, nəticədə ölkə 66-cı yeri tutub (ötən reytinqdə 59-cu yerə nisbətdə)

"Net Index"in sonuncu məlumatlarına əsasən, Azərbaycanda göndərilən trafikin orta sürəti 0,99 Mbit/s təşkil edir.

Azərbaycan göndərilən trafikin reytinqi üzrə İrlandiya (0,93Mbit/s - 69-cu yer), İngiltərə (0,92Mbit/s - 70-ci), Braziliya (0,83 Mbit/s - 78-ci), İtaliya (0,75 Mbit/s - 83-cü), İspaniya (0,73 Mbit/s - 87-ci), İsrail (0,70 Mbit/s - 93-cü) və Ermənistanı (0,59 Mbit/s - 110-cu yer) geridə qoyur.

Göndərilən internet-trafikin sürəti üzrə reytinqdə ilk üçlüyə Cənubi Koreya (20,45 Mbit/s), Litva (15,67 Mbit/s) və Aland adaları (15,16 Mbit/s) daxildir.

Gələn trafik reytinqi üzrə Azərbaycanın göstəriciləri 0,28 Mbit/s aşağı düşüb ki, bu da öz növbəsində ölkənin mövqeyini 11 bal pisləşdirib. İstifadəçilərinin 2,54 Mbit/s sürətlə şəbəkəyə qoşulduğu Azərbaycan gələn trafik reytinqi üzrə 92-ci yeri tutur.

Bu göstərici ilə Azərbaycan Özbəkistan (112-ci yer - 1,98 Mbit/s), Ermənistan (121-ci yer - 1,59Mbit/s), İran (158-ci yer - 0,52 Mbit/s) və digər ölkələri geridə qoyur.

İlk üçlüyə Cənubi Koreya (34,91 Mbit/s), Latviya (25,14 Mbit/s) və Litva (24,82 Mbit/s) daxildir.

Xəbər lenti

Xəbər lenti