Azərbaycan, Bakı, 7 yanvar /Trend, müxbir H.Vəliyev/
Azərbaycanın poçt rabitəsi operatoru "Azərpoçt" MMC bütün Azərbaycan ərazisi üzrə poçt göndərişlərini izləmək üçün yeni sistemi tətbiq edir. Bu barədə Trend-ə "Azerexpresspost" rabitə müəssisəsinin ictimaiyyətlə əlaqələr şöbəsinin rəisi Şəmsəddin Qədirov deyib.
Onun sözlərinə görə, sistem poçt rabitəsi operatoru "Azərpoçt"un rəsmi internet resursuna birləşdiriləcək.
"Yeni sistem poçt şöbələrində göndərənlərə veriləcək nadir poçt identifikatorunun poçt göndərişlərinə qoşulmasını nəzərdə tutur. Bu, göndərişin hər mərhələsində poçt identifikatorunun məlumatını vahid məlumat bazasına daxil etməyə imkan verəcək və nəticədə real zaman rejimində poçt göndərişinin internet vasitəsilə son təyinat nöqtəsinə qədər gedişini izləmək mümkün olacaq", - Qədirov deyib.
Onun sözlərinə görə, bu günə sistem yoxlama rejimindədir və bu il ərzində tətbiq olunacaq. Poçt göndərişlərinin hərəkətini izləmək sistemi həmçinin EMS xidməti (Express Mail Service) və digər poçt xidməti növlərində tətbiq olunacaq.
