Azərbaycan, Bakı, 11 mart /Trend, müxbir H.Vəliyev/
"Softprom" Şirkətlər Qrupu (MDB ölkələrində lisenziyalaşdırılmış proqram təminatının distribüteri) "Google Apps for Business. Biznesinizin effektivliyini artırın" mövzusunda veb-seminarlar təşkil edir. Bu barədə cümə günü şirkətin məlumatında deyilir.
Veb-seminarlar martın 15 və 22-də saat 15:00-da keçiriləcək. Seminarların davamiyyəti fasilə ilə iki saatdır.
Veb-seminarlar zamanı "Google Apps for Business" servislərinin, "Postini" təhlükəsizlik vasitələrinin imkanları, istifadəçilər və biznes üçün işin üstünlükləri müzakirə ediləcək.
Veb-seminarda iştirak üçün qeydiyyata görə "Google Apps Webinar-da qeydiyyat" mövzusu ilə [email protected] ünvanına məktub göndərərək adınızı, soyadınızı və atanızın adını, şirkəti, vəzifənizi, e-mail və telefonu göstərməlisiniz. Bundan sonra gələcək iştirakçıya təsdiq haqqında məlumat və seminarın "online" otağına istinad göndəriləcək.
"Softprom Azerbaijan" şirkəti tərəfindən Google-un Azərbaycan bazarında həll və xidmətlərinin tərəqqisi 2010-cu ilin üçüncü rübünün sonunda imzalanan sazişə əsasən həyata keçirilir. Sazişə əsasən, "Softprom" "Google Apps"ın Azərbaycan ərazisində avtorizə edilmiş reselleri statusunu əldə edib.
