Azərbaycan, Bakı, 30 aprel /Trend, müxbir H.Vəliyev/
Rabitə və İnformasiya Texnologiyaları Nazirliyinin "Aztelekom" İstehsalat Birliyi (İB) Gəncə şəhəri və ətraf yaşayış məntəqələrində CDMA standartı üzrə simsiz rabitə şəbəkəsinin genişləndirilməsi işlərinə başlayır. Bu barədə çərşənbə axşamı Trend-ə İB-dən məlumat veriblər.
İB-dən bildiriblər ki, baza stansiyalarının quraşdırılması işlərinin ilin sonuna kimi yekunlaşdırılması planlaşdırılır. Avadanlığın təchizatçısı qismində Çinin "Huawei Technologies" şirkəti çıxış edir və artıq onunla CDMA şəbəkəsi üçün lazımi telekommunikasiya avadanlıqlarının çatdırılması üzrə danışıqlara başlanılıb.
Ötən ilin yekunları üzrə dövlət rabitə operatoru tərəfindən Sumqayıtda, Abşeron yarımadasında, Qazax və Quba rayonlarında CDMA şəbəkəsinin əhatə dairəsinin genişləndirilməsi üçün işlər görülüb.
