...

Yaxın zamanlarda Palçıq Vulkanları Qonaq Mərkəzinin tikintisinə başlanılacaq

Turizm Materials 4 Dekabr 2019 16:42 (UTC +04:00)
2020-ci ildə Xınalıqda və digər vacib turizm məkanlarında müxtəlif inşaat layihələrinin də icrasına başlamaq fikrindəyik.
Yaxın zamanlarda Palçıq Vulkanları Qonaq Mərkəzinin tikintisinə başlanılacaq

Bakı. İlhamə İsabalayeva - Trend:

2020-ci ildə Xınalıqda və digər vacib turizm məkanlarında müxtəlif inşaat layihələrinin də icrasına başlamaq fikrindəyik.

Trend-in məlumatına görə, bunu Azərbaycan Turizm Bürosunun Baş icraçı direktoru Florian Zenqstşmit Azərbaycan Hotel Assosiasiyasının II Baş Assambleyasında çıxışı zamanı bildirib.

Onun sözlərinə görə, yaxın zamanlarda Palçıq Vulkanları Qonaq Mərkəzinin tikintisinə başlanılacaq.

F.Zenqstşmit qeyd edib ki, turizmin təcrübəsi, məhsulun inkişafı və irs olan resurslardan istifadə çox vacibdir:

"Ölkə boyunca yeni mədəni irs marşrutları nəzərdən keçirilir. Məsələn, Şəkidə hər zaman turizm bölgələrində sağ və ya sol istiqamətə dönməkdə müəyyən çətinliklər olur. Regionlarda turistlərə məlumatverici işarələr, hansısa istiqaməti göstərən tabloların olması bu xüsusi marşrut sahəsinin inkişafına kömək edəcək və turistlər regionlara səfər etdikdə müsbət təcrübələr əldə edə biləcəklər".

Məqalədə:
Xəbər lenti

Xəbər lenti