İranın cənub bölgəsinə dekabr ayının sonunadək "hərbi ərazi" taktikası tətbiq olunacaq. Bunu İranın Piyada Qoşunlarının komandiri Əhmədrza Purdəstan deyib. Bu barədə Trend İranın FARS xəbər agentliyinə istinadən məlumat verir.
Purdəstan deyib ki, "hərbi ərazi" taktikasının tətbiqi Silahlı Qüvvələrin düşmənlər tərəfindən ehtimal olunan hər hansı bir hücumunun qarşısını almaq məqsədi ilə həyata keçirlir. "Biz bu taktikanı müxtəlif hərbi təlimlərdə sınaqdan keçirmişik və bu sahədə geniş təcrübələr əldə etmişik", - deyə Purdəstan bildirib.
Purdəstan əlavə edib ki, bu taktikanın həyata keçirilməsi üçün nəzərdə tutulmuş bütün şəxsi heyət, silah-sursat və layihələr hazırlanıb və dekabr ayının sonunadək bu taktika Cənub bölgəsində tətbiq olunacaq.
"Yeni taktikada elektron müharibə aparmaq məqsədi ilə uzaqdan idarə olunan və hissedici sistemlər istifadə olunacaq", - deyə Purdəstan bildirib.