Bakı. Trend:
Şanxay Əməkdaşlıq Təşkilatı (ŞƏT) ölkələrinin dövlət başçıları Özbəkistanda keçirilən sammitin yekunu üzrə təşkilatın 15 illiyinə dair Daşkənd bəyannaməsini qəbul ediblər. Bu barədə Trend RİA Novosti-yə istinadən xəbər verir.
Bəyannamə sammitin əsas yekun sənədi hesab edilir. Sənəddə üzv ölkələrin təşkilatın inkişafına dair birgə yanaşmaları əks etdirilir.
Dövlət başçıları, həmçinin ŞƏT-in 2025-ci ilə kimi İnkişaf strategiyasının həyata keçirilməsinə dair 2016-2020-ci illər üçün təşkilatın Fəaliyyət Planını və digər sənədləri təsdiqləyiblər.
ŞƏT sammitinin növbəti iclası 2017-ci il iyulun 7-8-də Astanada keçiriləcək.