Bakı. Trend:
MDB-yə sədrlik 2018-ci ilin yanvarın 1-dən Rusiyadan Tacikistana keçib.
Trend-in məlumatına görə, Tacikistan Prezidenti Emoməli Rahmon dekabrın sonunda Moskvada MDB-nin qeyri-rəsmi sammitində çıxış edərkən ölkəsinin MDB-yə sədrliyi dövründə səylərini əsasən hərbi-texniki əməkdaşlığın və sərhəd təhlükəsizliyinin möhkəmləndirilməsinə yönəldiləcəyini bildirib. Bundan əlavə, onun sözlərinə görə, terrorçuluq, ekstremizm və narkotiklərin qanunsuz dövriyyəsi ilə mübarizəyə də xüsusi diqqət ayrılacaq.
Dövlət başçısı əlavə edib ki, Tacikistanın MDB sədri kimi səyləri iqtisadi əlaqələrin daha da inkişafına yönəldiləcək.