Bakı. Trend:
ABŞ Silahlı Qüvvələrinin Ərəbistan dənizində yerləşən Beşinci donanmasının “Nimits” aviadaşıyıcısında bir matros itkin düşüb.
Trend-in məlumatına görə, bu barədə donanmanın “Twitter” səhifəsində yazılıb.
Qeyd olunur ki, sentyabrın 6-da axşam saatlarında itən matrosun axtarışları bir nəticə verməyib. Hazırda Ərəbistan dənizinin şimal hissəsində axtarışlar davam etdirilir.
Qeyd edək ki, “Nimits” aviadaşıyıcısında 5 min dənizçi xidmət edir.